Публикации » Тылра хастар ĕçленĕ

08 мая 2014 г.

Вăрçă вăхăтĕнче арçынсем тăшманпа çапăçма тухса кайсан хуçалăхри пĕтĕм йывăрлăх хĕрарăмсен хул пуççийĕсем çине тиеннĕ. Çĕр сухаланă, акнă, вырнă, йывăç каснă... Синкерлĕ çулсенче тылра хастар ĕçленĕ хĕрарăмсенчен пĕри _ Хватукассинче пурăнакан Анастасия Крыжайкина. Хаяр вăрçă вăхăтĕнче ырми-канми вăй хунине çирĕплетекен медаль те пур Анастасия Сергеевнăн. Вăрçă чарăнсан вăл чылай çул хушши пахча çимĕç типĕтекен заводра тăрăшнă. Майăн 1-мĕшĕнче Анастасия Крыжайкина 90 çул тултарнă. Сумлă юбилей ячĕпе ун патне Мускавран Раççей Президентĕнчен Владимир Путинран саламлă Çыру килнĕ. Хальхи вăхăтра Анастасия Сергеевна тăванĕсен ăшшине туйса пурăнать. Хисеплĕ ватăна тата та нумай çул пурăнма сунатпăр.

А.ТИМОФЕЕВА.