Публикации » Çĕнтерỹ кунне халалласа - спорт çĕнтерĕвĕсем

14 мая 2014 г.

Майăн 9-мĕшĕнче Хĕрлĕ Чутай салинчи Çĕнтерỹ лапамĕнче уяв эстафети иртрĕ. Унта районти шкулсенче вĕренекенсем тата ĕç коллективĕсем хутшăнчĕç. 7-9-мĕш классенче вĕренекен хĕр ачасен командисем хушшинче 300-шер метра виçшерĕн чупса пĕрремĕш вырăна Атнар шкулĕн пикисем тухрĕç, иккĕмĕшне _ хĕрлĕчутайсем, виççĕмĕшне _ мăнэтменсем. Çав ỹсĕмри арçын ачасем хушшинчи çивĕч тупăшура Хĕрлĕ Чутай шкулĕнчи каччăсене çитекенни пулмарĕ _ вĕсем пĕрремĕшпе иккĕмĕш вырăнсене йышăнчĕç, атнарсем виççĕмĕш пулчĕç. 10-11-мĕш классенче вĕренекенсем хушшинче каллех хĕрлĕчутайсем çĕнтерчĕç _ хĕрĕсем те, каччисем те. Аслисем хушшинче "Пилеш" ача садĕнче тăрăшакансем, Хĕрлĕ Чутай тата Хусанушкăнь ял тăрăхĕнче пурăнакансем палăрчĕç. Калас пулать, Хĕрлĕ Чутай шкулĕнче ачасене спорта явăçтарас ĕçе пысăк тимлĕх уйăраççĕ. Çĕнтерỹ кунĕнче иртнĕ эстафетăра палăрнă ачасене хатĕрлекенĕсем _ Эдуард Романовпа Галина Мидейкина педагогсем. Сăмах май, шăпах çак шкулăн çамрăк спортсменĕсем ыран Çĕрпỹ районĕнче иртекен "Президент ăмăртăвĕсен" республикăри финалне хутшăнĕç. Унта çĕнтерекен команда кĕркунне Анапăра иртекен ăмăртусене хутшăнĕ.

А.КАРПОВА.