14 мая 2014 г.
Федерацин Атăлçи округĕнчи "iВолга" çамрăксен форумне хутшăнма заявкăсене майăн 13-мĕшĕнче йышăнма пăрахнă. Форумăн официаллă сайтĕнче Чăваш Енрен 188 проекта регистрацилени паллă. Аса илтеретпĕр, кăçал форум июнĕн 18-28-мĕшĕсенче палаткăсем лартса тухнă йĕркепе пулать. Вĕсене Самарăпа Тольятти хулисем хушшинче, Фестиваль паркĕн лапамĕнче (Мастрюковск кỹлли, Атăл юхан шывăн сулахай çыранĕ) вырнаçтарĕç. Форума 2000 ытла çын хутшăнĕ, Чăваш Енрен _ 90 çамрăк. Сайт даннăйĕсемпе унта çак юхăмсемпе сменăсем йĕркелĕç: "Предпринимательство", "Инновацисем тата техника пултарулăхĕ", "Ирĕклĕх", "Информаци юхăмĕ", "Арт-тăваткал", "Ман хыççăн чуп", "Политика тата студентсен хăй тытăмлăхĕ". Планпа "Ялти çамрăксем" юхăмпа та смена пулмалла. Вăл "Пĕчĕк хуласем _ пысăк майсем" лозунгпа иртмелле. Мероприятие ют çĕр-шывран та хăнасем çитĕç (Китай Халăх Республикинчен _ 200 çамрăк).
ЧР Информаци политикин министерстви.