Публикации » Вĕсем кăçал та "пиллĕклĕх" çырнă

19 мая 2014 г.

Май уйăхĕн 22-мĕшĕнче, кĕçнерни кун, Чăваш патшалăх гуманитари ăслăлăхĕсен институтĕнче "Пĕтĕм чăваш диктантне" "пиллĕк" паллăлăх çырнă ачасене, çамрăксене тата ыттисене чыслĕç. Кун пирки ЧПГĂИ сайчĕ пĕлтерет. Чыслав 15 сехетре пуçланать. Унсăр пуçне текста "тăваттăпа" "пиллĕк" хушшинчи хаклавлăх çырнисене те ахаль хăвармĕç _ вĕсене ĕнентерỹ хучĕпе тивĕçтерĕç. "Пĕтĕм чăваш диктантне" "пиллĕк" паллăлăх çырнисен йышĕнче хĕрлĕчутайсем те пур. Эпир пĕлекеннисем _ Хусанушкăнь шкулĕнче чăваш чĕлхипе литература вĕрентекен Светлана Яруткина, Питĕркасси ялĕнчи библиотекăра ĕçлекен Оксана Мидушкина. Сăмах май, вĕсем иртнĕ çул та диктанта "пиллĕклĕх" çырнăччĕ.Çак сумлă конкурсра палăрма пултарни пирĕн тăрăхра пысăк пĕлỹллĕ тата хăйсен ĕçне тỹрĕ кăмăлпа пурнăçлакан чăн-чăн профессионалсем пуррине çирĕплетет. С.МИХАЙЛОВА.