19 мая 2014 г.
"Иккĕмĕш çăкăра" районта ытларах хресченпе фермер хуçалăхĕсенче лартаççĕ. Кăçал ăна 17 гектар лартма палăртнă. Майăн 15-мĕшĕ тĕлне районĕпе хуçалăхсем 12,6 гектар (74,1 процент) çĕр улми лартнă, вăл шутра "Аккозинское" ЯХПК _ виçĕ гектар. Çав хушăрах А.В. Мурайкин фермерăн çĕр улми лаптăкĕ 6,5 гектар йышăнать, ĕçе 130 процент пурнăçланă. Н.С.Абрамов, В.В.Данилов, Н.М.Вазяков, В.А.Устинов хресченпе фермер хуçалăхĕсенче те "иккĕмĕш çăкăра" лартса пĕтернĕ. Вĕсен çĕр улми лаптăкĕсем 0,3-0,5 гектар йышăнаççĕ. А.А.Ильин фермер та палăртнине ирттерсе пурнăçланă, 166 процент. И.М.Ижендеев фермер хальлĕхе лаптăкăн 20 проценчĕ çинче кăна çĕр улми лартма ĕлкĕрнĕ. С.В. Тиханкин фермер ку ĕçе тытăнман-ха. Николай Лисаев фермер вара тĕш тырă ỹстерсе илнипе пĕрлех çĕр улми туса илессине те пăрахăçламасть. Кăçал унăн хуçалăхĕнче çĕр улми 3,5 гектар йышăнĕ. Халĕ унта пĕтĕм вăя çĕр улми лартма хураççĕ. А.ДМИТРИЕВА.