Публикации » Çамрăк спортсменсем Анапăна кайĕç

19 мая 2014 г.

Черетлĕ çĕнтерỹпе таврăннă майăн 15-мĕшĕнче Хĕрлĕ Чутай шкулĕн çамрăк спортсменĕсем Çĕрпỹ районĕнче иртнĕ "Президент ăмăртăвĕсен" республикăри финалĕнчен. 1998-2000 çулсенче çуралнă шкул ачисем хушшинче иртнĕ ăмăртусенче Хĕрлĕ Чутай шкулĕн физкультура предметне вĕрентекен педагогĕсем Эдуард Романовпа Галина Мидейкина хатĕрленĕ спортсменсене çитекенни пулман. Саккăрмĕш класра вĕренекенсем 60 тата 1000 метра чупса, вăрăмăшне вырăнтан сиксе, урайĕнчен алă вăйĕпе йăтăнса, турник çинче туртăнса çĕкленсе вăй виçнĕ. Çивĕч тупăшура палăрса яллă вырăнта вырнаçнă командăсем хушшинче хĕрлĕчутайсем кăçалхи сентябрь уйăхĕнче Анапăна каймалли путевкăна çĕнсе илнĕ. А.КАРПОВА.