21 мая 2014 г.
Майăн 9-мĕшĕнче эпир районта пĕтĕм çĕр-шывпа танах Аслă Çĕнтерỹ кунне паллă турăмăр. Сумлă уява пысăк шайра йĕркелесе ирттерме нухрат пухас ĕçе хутшăннă кашни çын, организаципе учреждени ырă сăмаха тивĕç. Пухăннă укçапа эпир Çĕнтерỹ лапамĕнчи фонтана çĕнетрĕмĕр, кăнтăрла та, каçпа те фейерверк йĕркелерĕмĕр. Уявра асра юлмалли самантсем чылай пулчĕç, вĕсенчен пĕри _ çамрăк армеецсемпе кадетсен парачĕ. Анчах та хăш-пĕр шкулсенче ку енĕпе ачасемпе аслисем сахалтарах ĕçлени сисĕнчĕ, малашне çак çитменлĕхе пĕтерессе шанас килет. Хальхи вăхăтра çĕр-шывĕпех, çавăн пекех пирĕн районта та, çитес çул паллă тăвакан сумлă уява _ Аслă Çĕнтерĕве 70 çул çитнине _ йĕркелесе ирттерессипе хатĕрленỹ ĕçĕсем пыраççĕ. Эпир районта пурăнакансенчен çак куна асра юлмалла ирттерес тесен мĕнле ĕçсем тумалли пирки çĕнĕ сĕнỹсем кĕтетпĕр. Пирĕнпе çыхăнмалли телефон: 2-14-59. Йĕркелỹ комитечĕ.