Публикации » Славянсен çырулăхĕпе культура кунĕ

21 мая 2014 г.

Славянсене çутта кăларакан Кирилпа Мефодие халалласа пирĕн çĕр-шывра майăн 24-мĕшĕнче Славянсен çырулăхĕпе культура кунне паллă тăваççĕ. Çак ятпа шăмат кун республикăра, çав шутра районта та, уяв мероприятийĕсем иртеççĕ. Хĕрлĕ Чутай салинче Çĕнтерỹ лапамĕнче 12 сехетре концерт пуçланать. Ытти хулапа районта та уяв шăп çав вăхăтра пуçланассине палăртмалла. Концерт программинче _ çĕр-шыври паллă авторсен произведенийĕсем, ача-пăча юррисем, вырăнти юрăсем. Çавăн пекех Александра Пахмутова кĕвĕленĕ юрăсем те пулĕç. Концерт Славянсен çырулăхĕпе культура кунĕ тĕлне ятарласа çырнă произведенипе тата М.Глинкăн "Славься!" юррипе вĕçленĕ. А.ТИМОФЕЕВА.