Публикации » Паян - Пĕрлехи информаци кунĕ

21 мая 2014 г.

Республикăри пекех майăн 21-мĕшĕнче районта та Пĕрлехи информаци кунĕ иртет. Унăн темисем: - Чăваш Республикин 2014 çулхи 1-мĕш кварталти социаллă пурнăçпа экономика аталанăвĕн пĕтĕмлетĕвĕсем çинчен; - ачасемпе çамрăксен çуллахи канăвне йĕркелесси; - халăха ĕçпе тивĕçтересси, ĕç ресурсĕсемпе ăнăçлă усă курасси; - 2013 çул кăтартăвĕсемпе çĕр-шывра чи лайăххи тесе палăртнă РФ Пенси фончĕн Чăваш Республикинчи уйрăмĕн çитĕнĕвĕсем; - ЧР Патшалăх Канашĕ ĕçлеме пуçланăранпа 20 çул çитни çинчен; - ачасен интернетпа усă курмалли хăрушсăрлăх правилисем. Палăртнă темăсене сỹтсе явма района ЧР Патшалăх техника асăрхав инспекцийĕн начальникĕ Владимир Дмитриев ертсе пыракан информаци ушкăнĕ килсе çитет. Вĕсем ял тăрăхĕсене çитсе халăхпа, ĕç коллективĕсемпе тĕл пулĕç, граждансене харпăр хăй ыйтăвĕсемпе йышăнĕç. А.ТИМОФЕЕВА.