Публикации » Умра - яваплă тапхăр, пурнăç çулĕ

26 мая 2014 г.

Ĕнер районти шкулсенче юлашки шăнкăрав янăрарĕ. Кăçал 11-мĕш класран вĕренсе тухакан 107 çамрăкшăн шăнкăрав текех урок пуçланнине систермĕ. 9-мĕш класран вара кăçал 156 ача вĕренсе тухать. Ĕнерхи вĕренекенсем паян пурнăçăн анлă çулĕ çине тухаççĕ. Хыçалта _ ачалăх, шкул çулĕсем, вулама-çырма вĕренни. Малта _ професси суйласа экзаменсене ăнăçлă тытасси. Патшалăхăн пĕрлехи экзаменĕсем майăн 26-мĕшĕнче пуçланаççĕ. Ун чухне суйласа илнĕ экзаменсене _ географипе тата литературăпа _ тытаççĕ. Вырăс чĕлхине мĕнле пĕлнине вара майăн 29-мĕшĕнче тĕрĕслĕç, математикăна _ июнĕн 5-мĕшĕнче. Сăмах май, кăçал пирĕн хаçатăн корреспонденчĕ Алина Карпова Хĕрлĕ Чутай шкулĕнче иртекен патшалăх экзаменĕсенче общество сăнавçи пулĕ. Экзаменсем мĕнле иртни пирки вăл вулакансене хаçат страницисенче паллаштарсах тăрĕ.

Хамăр инф.