28 мая 2014 г.
Ĕнер, майăн 27-мĕшĕнче, çĕр-шыври библиотека тытăмĕнче ĕçлекенсем хăйсен професси уявне паллă тунă. Çак куна ахальтен суйласа илмен. 1795 çулхи майăн 27-мĕшĕнче хальхи вăхăтра Санкт-Петербургра вырнаçнă Раççей наци библиотеки уçăлнă. 1995 çулта вара çак кун Пĕтĕм Раççейри библиотекăсен кунне паллă тума йышăннă. Пирĕн районта паянхи куна 19 библиотека шутланать. 2014 çулта 2527 вулакана шута илнĕ, вĕсем кĕнеке патне 20116 хут пынă, 32549 экземпляр тĕрлĕ кăларăм илнĕ. Районти библиотека ĕçченĕсене професси уявĕ ячĕпе район администрацийĕн пуçлăхĕ Александр Башкиров тата культура пайĕн начальникĕ Александр Самсонов саламланă. Тухăçлă ĕçленĕшĕн Серенкассинчи библиотека заведующийĕ Зоя Анисимова, Мишеркассинчи библиотека заведующийĕ Надежда Михатайкина, Хĕрлĕ Чутайри тĕп вулавăш библиотекарĕ Лариса Майорова район администрацийĕн пуçлăхĕн Хисеп грамотисене тивĕçнĕ. Çавăн пекех уяв кунĕнче библиотека тытăмĕнче ĕçлекенсем çинчен презентаци курнă тата Хĕрлĕ Чутай шкулĕн вĕренекенĕсем библиотекарьсемпе пĕрле флешмоб йĕркеленĕ. А.ТИМОФЕЕВА.