02 июня 2014 г.
Майăн 28-мĕшĕнче Ачасене хỹтĕлемелли пĕтĕм тĕнчери куна халалласа районти Ачасен пултарулăх çурчĕн тата вĕренỹ пайĕн пуçарăвĕпе Хĕрлĕ Чутайри Çĕнтерỹ лапамĕнче савăнăçлă мероприяти иртрĕ. Уява пухăннă çамрăк хăнасене район администрацийĕн вĕренỹ пайĕн начальник çумĕ Ольга Митрофанова ăшшăн саламларĕ, вĕсене савăнăçлă кăмăл-туйăм, сывлăх сунчĕ. Мероприятие Атнар, Мăн Этмен, Тури Çĕрпỹкасси, Хĕрлĕ Чутай, Мишеркасси, Çĕн Атикасси, Питĕркасси, Хусанушкăнь, Шулю, Штанаш шкулĕсенче вĕренекен ачасем хутшăнчĕç, хăйсен пултарулăхне пур енлĕн кăтартрĕç. Фестивале йĕркелекенсем интереслĕ те савăнăçлă конкурссем ирттерчĕç. Вĕсем çичĕ секципе иртрĕç: "Пултаруллă çамрăксем", "Çамрăк йĕркелỹçĕсем", "Çамрăк ỹкерỹçĕ", "Çамрăк ăславçă", "Çамрăк техник", "Çамрăк маçтăр", "Çамрăк массовик-вăйăç". Конкурссемпе вăйăсен çĕнтерỹçисем тата призерĕсем дипломсемпе пылак парнесене тивĕçрĕç.
А.АЛЕКСЕЕВА.