Публикации » Патшалăх чиккин паллине уçрĕç

02 июня 2014 г.

Майăн 28-мĕшĕнче Пограничник кунне официаллă майпа уявларĕç. Уява Хĕрлĕ Чутай районĕнче те паллă турĕç. Мероприятин тĕп пайĕ Çĕнтерỹ лапамĕнче иртрĕ. Уяв ячĕпе пограничниксене тата служба ветеранĕсене район администрацийĕн пуçлăхĕ Александр Башкиров саламларĕ. Салам сăмахĕсене Хĕрлĕ Чутай районĕн прокурорĕ Валерий Шоркин, Чăваш Республикин Етĕрне тата Хĕрлĕ Чутай районĕсен çар комиссариачĕн председателĕ Владимир Мареев, Байкал леш енчи Даурия салари пограничниксен управленийĕн службин аслă прапорщикĕ Людмила Кандейкина каларĕç, пограничниксене район администрацийĕн Хисеп грамотисене парса чысларĕç. Унтан уява пухăннисем пограничникпа хурал йыттине сăнлакан палăка тата юпана уçрĕç. Палăртмалла, асăну паллине ветеран-пограничниксем тăрăшнипе лартнă. Уяв пысăк концертпа вĕçленчĕ. А.АЛЕКСЕЕВА.