02 июня 2014 г.
Çанталăк типĕ тăнăран республикăра майăн 26-мĕшĕнчен пуçласа (ЧР Министрсен Кабинечĕ ку тĕлĕшпе ятарлă йышăну тăвиччен) пушара хирĕçле уйрăм йĕрке туса хунă. Çак тапхăрта пушар хăрушсăрлăхĕ енĕпе çирĕп хушма йĕркесем хатĕрленĕ: 1) граждансен вăрмана кĕме юрамасть, вĕсен ĕç-хĕлĕ унпа çыхăнман пулсан; 2) вăрмана транспорт хатĕрĕпе кĕмелле мар, çул ăна сыхлассипе çыхăнман пулсан; 3) кăвайт чĕртме, хытă каяшсене, çỹп-çапа, типĕ курăка çунтарма юрамасть. Палăртса хăваратăп, пушар тухас хăрушлăхăн уйрăм йĕрке тапхăрĕнче правилăсене пăхăнмасан федераллă саккунпа килĕшỹллĕн ахаль граждансене икĕ пин тенкĕрен пуçласа тăватă пин тенкĕ таран, должноçри çынсене 15 пин тенкĕрен пуçласа 30 пин тенкĕ таран, юридици сăпачĕсене 400 пин тенкĕрен пуçласа 500 пин тенкĕ таран административлă штраф параççĕ. Асăннă тапхăрта уйрăм хушма хуçалăхсенче те пушар хăрушсăрлăхĕ енĕпе çирĕп йĕрке пулмалла, кашни кил хуçалăхĕнче шыв саппасĕ, пушар сỹнтермелли хатĕрсем ал айĕнчех тăмалла.
А.ЯРАБАЕВ, районти пушар хурал чаçĕн аслă инспекторĕ.