04 июня 2014 г.
Майăн 30-мĕшĕнче Республикăри Культура керменĕнче Культура çулталăкĕ шайĕнче тĕрлĕ конкурссен гала-концерчĕ иртнĕ. Унта "Черчен чечексем", "Уçă саслă ачалăх", "Пĕчĕк çеç путене" тата ытти конкурс-фестивальсенче финала тухнă ачасем хутшăннă. Палăртма кăмăллă, районти Ачасен пултарулăх çурчĕн "Шанчăк" фольклор коллективĕ (ертỹçи _ Татьяна Горбунова, аккомпаниаторĕ _ Валерий Ярабаев) республика шайĕнчи фестивале хутшăнса лауреат Дипломне тивĕçнĕ. Районти талантлă ачасем "Ача-пăча вăййисем" халăх йăли-йĕркине тивĕçлĕ шайра кăтартса панă.
В.КОРАКОВА, Ачасен пултарулăх çурчĕн директорĕ.