09 июня 2014 г.
90 çулхи тата ун хыççăнхи сумлă юбилейĕсене паллă тăвакан вăрçă ветеранĕсемпе салтак арăмĕсене, тыл ĕçченĕсене Раççей Президенчĕн саламлă Çырăвне парса чысласси ырă йăлана кĕчĕ. Пĕр кунтах районти вăрăм ĕмĕрлĕ виçĕ хĕрарăм çуралнă кунĕсене паллă тунă, хăнасене йышăннă. Пĕрремĕш Липовкăра пурăнакан Надежда Волкова 90, Арайкассинчи Александра Алексеева 95, Атнарти Анастасия Трифонова 90 çулхи юбилейĕсене кĕтсе илнĕ. Сумлă юбилейĕсем ячĕпе вĕсене район администрацийĕн пуçлăхĕ Александр Башкиров, Штанаш ял тăрăхĕн пуçлăхĕ Светлана Ефремова тата Ачкасси ял тăрăхĕн специалисчĕ Ирина Макарова, социаллă хỹтлĕх пайĕн начальникĕ Вера Ярабаева саламланă, вăрçă нушине самаях тутаннă кинемейсене РФ Президентĕнчен килсе çитнĕ саламлă Çырăвĕсемпе паллаштарнă, тав сăмахĕсем каланă, вĕсене çирĕп сывлăх, вăй-хал, канлĕ ватлăх суннă.
А.АЛЕКСЕЕВА.