11 июня 2014 г.
2010 çулхи сентябрĕн 24-мĕшĕнчен пуçласа районта дежурнăйпа диспетчерсен пĕрлехи служби (единая дежурно-диспетчерская служба _ ЕДДС) ĕçлет. Службăн тĕп задачисенчен пĕри вăл _ граждансенчен чрезвычайлă лару-тăру çинчен хыпарсем йышăнасси, унтан инкек пулнă çĕре çăлавçăсене ярасси. Пĕрлехи диспетчер служби пушара хирĕç кĕрешекен службăпа, полиципе, васкавлă пулăшупа, электричество сечĕсен бригадисемпе, газ службипе, коммуналлă хуçалăхăн юсав ĕçĕсем ирттерекен бригадисемпе çыхăнса ĕçлет. Дежурнăйпа диспетчерсен пĕрлехи службин телефонĕ _ 2-18-71. Çавăн пекех 112 пĕрлехи номерпе те шăнкăравлама пулать. Район территорийĕнче сотовăй телефонпа 112 номерпе шăнкăравласан шăнкăрав администрацин пĕрлехи диспетчер службине каять, унта шăнкăравлаканăн номерне автомат палăртать. Асăннă служба талăкĕпех ĕçлет. Анчах та 112 номерпе инкек тухсан кăна шăнкăравламалла. Шỹтшĕн е ним тума аптăранипе шăнкăравласа эсир çăлавçăсене çав самантра чăннипех пулăшу кирлĕ вырăна çитме чăрмантарма пултаратăр.
В.ЖИГАНОВ, райадминистрацин ятарлă программăсен пай начальникĕ.