Публикации » Тава тивĕçлĕ механизаторсем

18 июня 2014 г.

Чăваш Республикин Пуçлăхĕн Михаил Игнатьевăн Указĕпе ял хуçалăхĕнче нумай çул хушши тỹрĕ кăмăлпа ĕçленĕшĕн "Коминтерн" ЯХПК механизаторĕсене Илья Пономаревпа Александр Сидорова "Чăваш Республикин тава тивĕçлĕ механизаторĕ" хисеплĕ ят панă. ЧР строительство министрĕ Олег Марков вĕсене кăкăр çине çакмалли паллă парса саламларĕ. Илья ПОНОМАРЕВ "Коминтерн" ЯХПК-ра 1984 çулта ĕçлеме пуçланă. Хăйĕн "хурçă учĕпе" уй-хирти пур ĕçе те хутшăнать, техникăна юсавлă тытать. 2009 çулта Илья Николаевич вырма чемпионĕ пулнă. Пултаруллă механизаторăн район тата республика шайĕнчи хисеп хучĕсем те чылай. Александр СИДОРОВ "Коминтернра" 1976 çултанпа вăй хурать. Ял хуçалăх техникин пур тĕсне те алла хăнăхтарнăскер пысăк тухăçлăхпа ĕçлет. Ĕçри çитĕнỹсемшĕн пĕрре кăна мар район администрацийĕн Хисеп грамотине тивĕçнĕ. 2012 çулта Александр Николаевича ЧР Ял хуçалăх министерствин Хисеп грамотине парса чысланă.

А.КАРПОВА.