21 июня 2014 г.
Çуллахи полиатлон вăййине кăмăллакансем июнĕн 14-15-мĕшĕсенче Çĕмĕрле хулинче пухăннă. Ăмăртусене республикăри хуласемпе районсенчен 90 спортсмен (12 команда) çитнĕ. Вĕсем тăхăр ỹсĕмри ушкăнсенче тупăшнă. Ял тăрăхĕсен командисем хушшинче хĕрлĕчутайсем пĕрремĕш пулнă: Василий Вазин, Эдуард Дадюков, Евгения Герасимова, Алексей Дадюков, Владимир Магаськин, Кристина Иванова, Александр Михопаров, Юрий Тимофеев, Евгений Вазин. Хула командисем хушшинче шупашкарсем мала тухнă. Уйрăм зачетра Василий Вазинпа Эдуард Дадюков (1-мĕш вырăн), Евгения Герасимовапа Алексей Дадюков (2-мĕш вырăн), Владимир Магаськинпа Людмила Михуткина (3-мĕш вырăн) палăрнă.
А.АЛЕКСЕЕВА