Публикации » Ял çăвисенче çитменлĕхсем пур

21 июня 2014 г.

Район прокуратури çăвасене пăхса тăрас енĕпе саккуна епле пăхăннине тĕрĕслерĕ. Тĕрĕслевре çитменлĕхсем тупăнчĕç. Акă Кив Атикасси ял тăрăхĕн территорийĕнчи Кив Атикасси, Яманкасси тата Анат Çĕрпỹкасси ялĕсем çывăхĕнчи çăвасенче обществăлла туалет тата информаци стенчĕсем çук. Çынна пытармалли пирки калакан федераллă саккун нормисене пăсса ял тăрăхĕ çăвасене санитарипе экологи требованийĕсемпе килĕшỹллĕн пăхса тăрас тĕлĕшпе хăйĕн тивĕçĕсене пурнăçламасть. Çавна май вăл район çыннисен хăйсен çывăх çыннисемпе тăванĕсене пытарас тĕлĕшпе саккунлă интересĕсемпе прависене пăсать, пытармалли вырăнсем çын сывлăхĕпе тавралăха сиен кỹресрен сыхлассине тата кирлĕ условисемпе тивĕçтермест.

В.ШОРКИН, район прокурорĕ.