Публикации » Варнава митрополит кĕлĕ ирттернĕ

25 июня 2014 г.

Асăнупа хурлану кунĕ кăçал Турра ĕненекенсем паллă тăвакан Пĕтĕм Çветтуйсен кунĕпе пĕр килнĕ. Çавна май июнĕн 22-мĕшĕнче района Шупашкар тата Чăваш Ен митрополичĕ Варнава çитнĕ, ăна район администрацийĕн пуçлăхĕ Александр Башкиров кĕтсе илнĕ. Хĕрлĕ Чутайри Турă Хĕресне Çĕкленĕ храмра Варнава митрополит уяв литургине ирттернĕ, службăна районта пурăнакансем чылаййăн хутшăннă. Владыка Украинăра мир пултăр тесе те кĕлĕ вуланă. Литурги хыççăн Раççей çĕрĕн Пĕтĕм Çветтуйĕсене халалласа молебен ирттернĕ. Кĕлĕ хыççăн Хĕрлĕ Чутайри Турă Хĕресне Çĕкленĕ храм настоятелĕ Максим иерей Варнава митрополита православи уявĕ ячĕпе саламланă, сывлăх сунса просфорпа чечек çыххи парнеленĕ.

А.ТИМОФЕЕВА.