Публикации » Район пурнăçĕпе паллаштарнă

25 июня 2014 г.

Июнĕн 18-22-мĕшĕсенче Шупашкарта "Регионсем - чикĕсĕр ĕçтешлĕх" курав ĕçленĕ. Унта пухăннисем республика туса кăларакан çĕнĕ таварсемпе паллашнă. Палăртмалла, пирĕн район та экономикăпа суту-илỹ хутшăнăвĕсене çирĕплетме пулăшакан çирĕм иккĕмĕш курава хутшăннă. Район администрацийĕн пуçлăхĕн çумĕ-экономикăпа çĕр тата пурлăх хутшăнăвĕсен пай начальникĕ Алина Ярабаева ертсе пыракан делегаци район ĕç-хĕлĕпе паллаштарнă май баннер конструкцийĕ евĕрлĕ экспозици тăратнă. Асăннă экспозицире районăн экономикăпа социаллă пурнăçне сăнлакан кăтартусемпе, культура аталанăвĕпе, инвестици проекчĕсемпе паллашма май пулнă. Районти Ачасен пултарулăх çурчĕн воспитанникĕсен тĕрлĕ конкурссенче çĕнтернĕ ĕçĕсем те курава илемлетнĕ.

А.КАРПОВА.