Публикации » Триатлон енĕпе - бронза призерĕ

28 июня 2014 г.

Хĕрлĕ Чутайри вăтам шкултан 10-мĕш класран вĕренсе тухнă Александр Михопаров ачаранпах спортпа туслă. Чупма та, ишме те, велосипедпа çỹреме те ăста. Вăл тăтăшах "Хастар" ФСК-на çỹрет, бассейнра ишет. Сăмах май, Александр триатлон енĕпе Чăваш Республикин çамрăксен пĕрлештернĕ команди йышне кĕрет. Июнĕн 21-мĕшĕнче Патăрьелте триатлон енĕпе республикăн Чемпионачĕпе первенстви иртнĕ. Унта Чăваш Енри хуласемпе районсен командисем хутшăннă. Пирĕн район чысне çамрăк спортсменсем - Владимир Магаськинпа Александр Михопаров - хỹтĕленĕ. Чемпионата хутшăнакансем шывра ишсе, велосипедпа кайса тата шоссе тăрăх чупса ăмăртнă. Людмила Михуткина тренер ертсе пыракан спортсменсем хăйсене лайăх енчен кăтартма пултарнă. Александр Михопаров вара яллă районсем хушшинчи каччăсен ăмăртăвĕнче бронза медаль çĕнсе илнĕ.

А.КАРПОВА