28 июня 2014 г.
Июнĕн 20-мĕшĕнче Канаш хулинчи ачасемпе çамрăксен "Локомотив" спорт шкулĕнче Чăваш Республикин Пуçлăхĕн М.Игнатьевăн парнисене çĕнсе илессишĕн республикăри "Спорт çемйи" фестиваль иртнĕ. Фестивале спортпа туслă 34 çемье хутшăнма кăмăл тунă. Программăра çăмăл атлетика эстафети, дартс, хутăш эстафета, урамри баскетбол, ишесси, тата кашни спортсмен валли уйрăм тестсем пулнине палăртмалла. Спорт уявне пирĕн районтан Алексеевсен çемйи хутшăннă. Ишес ăмăртура Альбинăпа Александр тата вĕсен хĕрĕ Регина иккĕмĕш вырăна тухма пултарнă. Пур конкурс пĕтĕмлетĕвĕсемпе вара çăмăл мар тупăшура Алексеевсем çиччĕмĕш вырăн йышăннă. Сăмах май, çемье пуçлăхĕ Александр Георгиевич райадминистрацин строительство, çул-йĕрпе коммуналлă хуçалăх пайĕнче тăрăшать. Мăшăрĕ, Альбина Владимировна, райбольницăра вăй хурать. Алексеевсен хĕрĕ Регина Хĕрлĕ Чутайри вăтам шкулта ăс пухать, вăл 5 класа вĕренме куçнă. Сывă пурнăç йĕркине тытса пыракан Алексеевсем малашне те спортпа туслă пулса кун евĕр ăмăртусенче ăнăçу тăвасса шанатпăр.
Н.МИДАКОВА.