Публикации » Хĕрлĕчутайсем - Республика кунĕнче

28 июня 2014 г.

Пĕтĕм чăваш халăхĕн Акатуйĕ июнĕн 24-мĕшĕнче Шупашкарти залив хĕрринче иртнĕ. Савăнăçлă мероприятисене республикăри районсем те хутшăннă, вăл шутра - хĕрлĕчутайсем те. Районти Культурăпа кану центрĕн пултарулăх коллективĕпе Пантьăк ял тăрăхĕн "Сăр таппи" фольклор ансамблĕ Республика кунне халалланă уява активлă хутшăннă, хăйсен илемлĕ юрри-ташшипе халăха савăнтарнă. Çавăн пекех хĕрлĕчутайсем Амăшĕн монуменчĕ умĕнче тата Хĕрлĕ лапамра тăван халăх культурине сăнлакан картиш йĕркеленĕ. Курма килнисем мăн асаттесемпе асаннесен йăли-йĕркипе хатĕрленĕ çимесене тутанса пăхма, ал ăстисен ĕçĕсемпе паллашма пултарнă.

А.АЛЕКСЕЕВА.