02 июля 2014 г.
Выльăхсене тутă хĕл каçарас тесен çуллахи вăхăтра тăрăшмаллине тĕпе хурса тимлеççĕ хальхи вăхăтра районти хуçалăхсем. Нумай çул ỹсекен курăксене - козлятника, люцерна, клевера, тимофеевкăна, костреца - çулса илмелли лаптăк пĕтĕмпе 6358 гектарпа танлашать. Планпа килĕшỹллĕн хуçалăхсен 8480 тонна сенаж, 2914 тонна утă тата 7610 тонна силос хатĕрлемелле. Июлĕн 1-мĕшĕ тĕлне районти хуçалăхсем 3806 гектар çинче курăк çулса илнĕ, 1678 тонна утă хатĕрленĕ, 3200 тонна сенаж , 300 тонна силос янтланă.
А.ТИМОФЕЕВА.