02 июля 2014 г.
Иртнĕ эрне кун Шупашкарти агрегат завочĕн клубĕнче "2014 çулхи Чăваш Республикин ĕç сыхлавĕн чи лайăх специалисчĕ" професси ăсталăхĕн республика конкурсĕн финалĕ пулнă. Унта ултă районпа пилĕк хуларан ĕç сыхлавĕн 11 специалисчĕ хутшăннă. Вĕсем тĕрлĕ отрасль специалисчĕсем пулнине палăртмалла: сывлăх сыхлавĕ, культура, вĕрентỹỹ, коммуналлă хуçалăх, суту-илỹỹ, транспорт тата ытти те. Конкурс финалĕ хальхи вăхăтри хỹтĕлев хатĕрĕсен куравĕпе пуçланнă. Унтан конкурса хутшăнакансем куракансене пултарулăх номерĕсемпе паллаштарнă. Ĕç сыхлавĕпе çыхăннă ыйтусемпе викторина та иртнĕ, тĕрĕс хурав панисене парнесемпе хавхалантарнă. Концерт шоу-программи те пухăннисене савăнăç кỹнĕ. Палăртма кăмăллă, пирĕн районти Культурăпа кану центрĕн ĕçченĕ Оксана Коракова пултарулăх конкурсĕнче çĕнтерỹçĕ пулса тăнă, ăна цифрăллă фотоаппарат парнеленĕ.
Н.ПЕТРОВА.