02 июля 2014 г.
Июль уйăхĕн 3-мĕшĕнче ЧР Пуçлăхĕ Михаил Игнатьев Чăвашрадион ("Чăваш Ен" ПТРК) тỹрĕ эфирĕнче республикăра пурăнакансен ыйтăвĕсене хуравлать. Вырăнти власть органĕсем граждансен çивĕч ыйтăвĕсене татса парассипе çыхăннă тухăçлă ĕçе мĕнле йĕркелемелле? Халăхăн пурнăç пахалăхне вăрахлăх программăсем пурнăçланасса кĕтмесĕр çывăх вăхăтрах лайăхлатассине мĕнрен пуçламалла? Патшалăх ЖКХ-ри пулăшу ĕçĕсен хакĕсемпе тарифĕсене, транспорт, эмелсен, апат-çимĕç хакĕсене йĕркелесе пырас тĕлĕшпе мĕнле меслетсемпе усă курма пултарать? Çĕнĕ ĕç вырăнĕсем йĕркелесси, ĕç укçине ỹстересси, пысăк технологисене тĕпе хуракан çĕнĕ йышши медицина пулăшăвне ĕçе кĕртесси, хевтесĕр çынсене пулăшасси, пурнăç хăрушсăрлăхĕ, тавралăха сыхласси _ Михаил Игнатьев ирттерекен калаçура çак ыйтусене сỹтсе явма палăртнă. Радио итлекенсен ыйтăвĕсене малтанах июль уйăхĕн 2-мĕшĕнче 17 сехетчен çак телефонсемпе йышăнаççĕ: (8352) 56-39-66, (8352) 56-39-50; электрон почти: chradio@tvr.chtts.ru. Программăна июль уйăхĕн 3-мĕшĕнче "Раççей радиовĕ" радиоканалăн регионти эфирĕнче пралуклă хыпарлавăн 1-мĕш кнопки çинче е УКВ 67,04 тата УКВ 70,85 хумсемпе, çавăн пекех "Чăваш Ен" ПТРК сайтĕнче(www.chgtrk.ru) итлĕр. 12 сехет те 10 минутра пуçланать.
Н.АНДРЕЕВ.