05 июля 2014 г.
Район территорийĕнче вырнаçнă виçĕ аптека сечĕ спиртлă шĕвексене сутассине хăйсен ирĕкĕпе хирĕçлес тĕллевпе пĕр-пĕрне ăнланни пирки меморандума алă пуснă. Ку документăн тĕп тĕллевĕ район çыннисен сывлăхне сыхласси, упрасси, çирĕплетесси, вăхăтсăр вилессине чакарасси, сывă пурнăç йĕркине тытса пыма хăнăхтарасси, алкоголь ĕçессине чакарасси пулса тăрать. Меморандума алă пуснисем - райпо аптеки, 23 № аптека тата "Витрум" ТЯО - савăта 50 мл ытла тултарнă, медицина тĕллевĕпе усă курман спиртлă шĕвексене (настойкăсене) сутассине хăйсен ирĕкĕпе хирĕçлесси пирки килĕшнĕ. Çавăн пекех фармацевтсем спиртлă тавар парса янă чухне вĕсемпе мĕнле усă курмаллине, епле япăх витĕм кỹме пултарнине ăнлантарма, унпа тан спиртсăр ылмашу пама сăмах панă.
Н.ПЕТРОВА.