05 июля 2014 г.
Çулсерен июлĕн пĕрремĕш шăмат кунĕнче, Пĕтĕм тĕнчери кооперативсен альянсĕ йышăннипе, потребкоопераципе суту-илỹ ĕçченĕсем хăйсен професси уявне паллă тăваççĕ. Пирĕн районти потребительсен обществи çулсерен кăтартуллă ĕçлесе пырать, çĕнĕлĕхсене пурнăçа кĕртсе çитĕнỹсемпе палăрать. Акă, кăçалхи Акатуйра райпо пĕрремĕш квартал кăтартăвĕсемпе Чăвашпотребсоюз хăйĕн предприятийĕсем хушшинче ирттернĕ конкурсра палăрса Дипломсене тивĕçрĕ. Районти потребительсем çăкăр туса илессипе 1-мĕш вырăна, халăхран сĕт пухассипе 2-мĕш, çурма фабрикатсем туса кăларассипе 3-мĕш вырăна тухма пултарнă. Палăртмалла, районти потребительсен обществинче тăрăшакансем хăйсен професси уявне июлĕн 12-мĕшĕнче паллă тума хатĕрленеççĕ.
А.КАРПОВА.