Публикации » Районти çемьесем - фотоконкурс çĕнтерỹçисем

14 июля 2014 г.

Июлĕн 8-мĕшĕнче Шупашкарта Чăваш наци музейĕнче "Çемье музейĕ" фотоконкурс çĕнтерỹçисене чысланă. Çемье, юрату тата шанчăклăх кунне халалланă сăн ỹкерчĕксен конкурсĕ июнĕн 18-мĕшĕнчен пуçласа июлĕн 6-мĕшĕччен пынă. Конкурса пурĕ 251 сăн ỹкерчĕк ярса панă, вĕсенче _ республикăри тĕрлĕ хуласемпе районсенчи 70 çемье историйĕ. Палăртма кăмăллă, çĕнтерỹçĕсен йышĕнче пирĕн районти тăватă çемье те пур. "Çемье йăли-йĕрки" номинацире Тумликассинчи Карповсемпе Ачкассинчи Чеченешкинсем палăрнă, "Çемье историйĕ" номинацире _ Штанашри Зотовсемпе Платоновсем. Сăмах май, фотоконкурса хутшăннă Карповсен çемье членĕ _ Алина Карпова _ район хаçачĕн корреспонденчĕ. Штанашри Галина Зотова вара _ пирĕн хаçатăн обществăлла корреспонденчĕ. А.ТИМОФЕЕВА.