Публикации » Алăк уçă пулнипе усă курса

14 июля 2014 г.

Районти полици уйрăмĕн преступленисене тăрă шыв çине кăларакан следстви пайĕ Б. гражданин тĕлĕшпе пуçарнă уголовлă ĕçе тĕпчерĕ. Кăçалхи май уйăхĕн 29-мĕшĕнче Б. гражданин ỹсĕрскер 15 сехет те 40 минутра вăрлас шухăшпах алăк уçă пулнипе усă курса Хĕрлĕ Чутай салинчи пĕр хваттере кĕнĕ. Çав самантра хваттер хуçи балкон çинче пулнипе усă курса кайри пỹлĕмрен кил хуçи хĕрарăмĕн аппăшĕн Ч.-н 1000 тенкĕ тăракан сумкипе 200 тенкĕлĕх енчĕкне тата унта пулнă 34700 тенкĕне вăрланă та тухса тарнă. Çапла майпа вăрă РФ УК-н 158 статйин 3-мĕш пайĕн "а" пункчĕпе килĕшỹллĕн преступлени туса Ч. гражданкăна 35900 тенкĕлĕх тăкак кỹнĕ. Вăрă-хураха тытса хупнă, хальхи вăхăтра ун тĕлĕшпе суд условнăй майпа сăнав вăхăтне палăртнă.

Э.КОНДРАТЬЕВ, следователь.