Публикации » 60 çул ытла пĕр çулпа

14 июля 2014 г.

Пирĕн районта çур ĕмĕр ытла килĕштерсе, пĕр-пĕрне хисеплесе пурăнакан, ача-пăча çуратса ỹстерсе, тĕрĕс воспитани парса пурнăç çулĕ çине кăларнă мăшăрсем сахал мар. Вĕсенчен пĕри _ Тихăнушкăнчи Еленăпа Иван Митинсем. Иккĕшĕ те çак ялтах çуралса ỹснĕ, Ленин ячĕллĕ колхозра вăй хунă. Елена Ермолаевнăпа Иван Яковлевич 1953 çулта çемье çавăрнă. Вĕсем ултă ачана кун çути парнеленĕ. Хальхи вăхăтра вĕсен ывăлĕсем çĕр-шывăн тĕрлĕ кĕтессинче йăва çавăрнă. Ашшĕ-амăшне курма час-часах тăван килне çитеççĕ вĕсем. Çемье никĕсне çирĕп тытнăшăн Митинсене кăçал "Юратупа шанчăклăхшăн" медаль пама йышăннă. Июлĕн 8-мĕшĕнче райадминистрацин ЗАГС пайĕнче иртнĕ савăнăçлă мероприятире район администрацийĕн пуçлăхĕ Александр Башкиров Еленăпа Иван Митинсене асăннă наградăна парса чысларĕ. А.КАРПОВА.