Публикации » Тăватă ывăл çуратса ỹстернĕ

14 июля 2014 г.

Березовка ялĕнче пурăнакан Селивестровсене районта пĕлмен çын çук та пулĕ. Нина Михайловнăпа Вячеслав Лаврентьевич тăватă ывăл çуратса ỹстернĕ, паянхи кун вĕсенчен виççĕшĕ _ Владимир (строительство управленийĕн директорĕ), Сергей (çар чаçĕсене тытса тăракан пай начальникĕ) тата кĕçĕн ывăлĕ Александр (судья пулăшуçи) Мускавра тĕпленнĕ. Асли, Михаил, Ульяновск хулинче ĕçлесе пурăнать. Нина Михайловнăпа Вячеслав Лаврентьевич килĕнче яланах юратупа татулăх хуçаланать. Ачисемпе мăнукĕсен çитĕнĕвĕсемпе савăнса пурăнакан сумлă мăшăра кăçал Çемье, юрату тата шанчăклăх кунне йĕркелесе ирттерессипе ĕçлекен комитет "Юратупа шанчăклăхшăн" медальпе наградăлама йышăннă. Çак медале Селивестровсем ЗАГС пайĕнче иртнĕ Петрпа Февроние халалланă уявра тивĕçрĕç. А.КАРПОВА.