Публикации » Карта çĕмĕрсе хăйсен вăйне кăтартасшăн пулнă-ши?

16 июля 2014 г.

Район центрĕнче тирпей-илем хуçаланни пуриншĕн те лайăх - таса та хитре çĕрте кăмăл çĕкленет. Нумаях пулмасть райбольницăра тăрăшакансем хăйсен территорийĕ йĕри-тавра тытса тухнă картана сăрласа илемлетрĕç. Самаях сăн кĕчĕ больницăн тулаш енне. Анчах та пирĕн хушăра илемлĕхе сисмен-туйманнисем, çын ĕçне ним вырăнне хуманнисем те пур иккен. Июлĕн 15-мĕшĕнче ирхине больница ĕçченĕсем "Мираж" кафе еннелле тухакан картасене арканине асăрханă. Кам тунă-ши çак сăтăрла ĕçе? Хăйсен вăйне ниçта чикеймен "паттăрсем"-ши? Каç сĕмĕпе усă курса усал ĕç туса кама мĕн пĕлтересшĕн пулнă-ши? Ку пăтăрмах пирки районти полици уйрăмне пĕлтернĕ. Хальхи вăхăтра тĕрĕслев ĕçĕ пырать.

Алина ИТТИ.