Публикации » Фельдшерпа акушер пункчĕ çĕкленет

16 июля 2014 г.

Чăваш Республикин Пуçлăхĕн М.В.Игнатьевăн 2012 çулхи ноябрĕн 2-мĕшĕнче тухнă 124-мĕш номерлĕ "Чăваш Республикинчи ял халăхне медицинăпа санитари пулăшăвĕсемпе тивĕçтерессине лайăхлатассипе çыхăннă хушма мерăсем çинчен" Указне пурнăçласа иртнĕ кĕркунне Туканаш ялĕнче çĕнĕ фельдшерпа акушер пункчĕ хута кайнăччĕ. Вăл 2013-2015 çулсенче пирĕн районта уçма палăртнă модульлĕ ултă фельдшерпа акушер пунктĕнчен пĕрремĕш пулнăччĕ. Хальхи вăхăтра вара çакăн пек çĕнĕ объект Çĕн Атикассинче çĕкленет. "Мастер" тулли мар яваплă обществăн строителĕсем çуртăн стенисене пухнă ĕнтĕ. Паян-ыран вĕсем пластик чỹречесем вырнаçтарĕç. Строительсем каланă тăрăх, ĕç кал-кал пырать, материалсене вăхăтра çитереççĕ. Подряд организацийĕн ертỹçи ĕç пахалăхне тĕрĕслесех тăрать.

А.ДМИТРИЕВА.