Публикации » Пушă вăхăта сая ямаççĕ

23 июля 2014 г.

Районти ĕçпе тивĕçтерекен центр халăха вăхăтлăха ĕçе явăçтарассипе çыхăннă мероприятисене пурнăçлас тĕллевпе 14 çултан пуçласа 18 çул тултарман çамрăксене çуллахи кану кунĕсенче ĕçе вырнаçтарассине пысăк тимлĕх уйăрать. Кăçалхи май-июль уйăхĕсенче центр хутшăннипе "Заготовки" тата "Универмаг" тулли мар яваплă обществăсемпе килĕшỹ туса çул çитмен 69 çамрăка вăхăтлăх ĕçе вырнаçтарма май килнĕ. Çавăн пекех иккĕмĕшле чĕр тавар пухма Штанаш, Хĕрлĕ Чутай, Атнар, Мăн Этмен шкулĕсенче çул çитмен çамрăксен бригадисене йĕркеленĕ. Вĕсем пушă вăхăтра макулатура тата ыттине пухнă. Çакăншăн ачасем ĕç укçи тата центртан материаллă пулăшу илнĕ. Çитес кунсенче центр çул çитмен çамрăксене эмел курăкĕсем пухас ĕçе явăçтарасшăн. А.ЗАМУТКИНА.