Публикации » Вăйлисемпе çирĕпписем тупăшнă

30 июля 2014 г.

Июлĕн 26-мĕшĕнче Çĕрпỹ районĕнче ЧР патшалăх влаçĕн органĕсенче ĕçлекенсен физкультурăпа спортăн XIII-мĕш Спартакиадин çуллахи тапхăрĕ пулнă. Унта спорт вăййисене кăмăллакан çĕр ытла спортсмен хутшăннă. Пирĕн район спортсменĕсем район администрацийĕн пуçлăхĕ Александр Башкиров ертсе пынипе хутăш эстафетăра, канат туртассинче вăйĕсене кăтартнă. Эстафетăра вĕсем чи лайăх вунă команда йышне кĕнĕ, канат туртассипе иккĕмĕш çаврăма тухнă. Анчах çĕнтерме май килмен, Патăрьел район администрацийĕн ĕçченĕсем вăйлăрах пулнă. Çавăн пекех спортсменсем ГТО комплексĕн хăш-пĕр нормативĕсене парса пăхас тĕлĕшре вăйĕсене тĕрĕсленĕ. А.ДМИТРИЕВА.