Публикации » Хисепе тивĕçнĕ çынсем

30 июля 2014 г.

Юбилей - ахаль Çуралнă кун мар, пурнăç тапхăрĕн уйрăм чикки. Çавăнпа юбилейне паллă тăвакан çынна кăштах та пулин тимлĕх уйăрмалла, тав тумалла. 90 çула çитнисем уйрăмах ырă та ăшă сăмаха тивĕçлĕ. Хăйсен вăрăм кун-çулĕнче вĕсем хура-шурне сахал мар курнă. Çак кунсенче Çĕн Атикассинче пурăнакан Мария Федоровна Рыгалова 90 çул тултарнă ятпа Раççей Президенчĕн саламлă Çырăвне тивĕçнĕ. Мария Федоровна вăрçă хыççăнхи халăх хуçалăхне çĕкленĕ çĕре пысăк тỹпе хывнă. 40 çул ытла тăван колхозра вăй хурса ĕçленĕ. Утаркассинчи Ольга Михайловна Морозова та нумаях пулмасть хăйĕн юбилейне паллă тунă. Кинеми хăй вăхăтĕнче "Искра" хуçалăхра пăру пăхнă çĕрте ĕçленĕ. Çавăн пекех нумай çул Чулхула облаçĕнчи пĕр хуçалăхра кĕтỹç пулнă. Шанса панă пур ĕçе те тỹрĕ кăмăлпа пурнăçланăшăн Ольга Михайловна чылай медале тивĕçнĕ. Юбилей ячĕпе тыл ĕçченĕсене район администрацийĕн пуçлăхĕ Александр Башкиров, унăн çумĕ Алексей Порфирьев тата Кив Атикасси ял тăрăхĕн пуçлăхĕ Юрий Чертов, Пантьăк ял тăрăхĕн специалисчĕ Валентина Жижайкина ăшшăн саламланă. А.ЗАМУТКИНА.