04 августа 2014 г.
Нумаях пулмасть Карăкçырминчи тĕп стадионта паллă футболиста Юрий Жукова асăнса вăйă иртнĕ. Ăна Тралькасси ял тăрăхĕнчи Леонид Еремеев, Владимир Спиридонов, Илья Абаськин йĕркеленĕ. Йăлана кĕнĕ хăйне евĕр уява Юрий Жуковăн чи çывăх çыннисем, юлташĕсем тата футбол вăййине кăмăллакансем пухăннă. Стадионта виçĕ футбол команди тĕл пулнă: шкул ачисенчен пуçласа ветерансем таранах. Вăйă пуçланиччен Карăкçырми ялĕнчи чи лайăх пилĕк футболист _ Татьяна Еремеева, Дмитрий Лаврентьев, Вячеслав Горланов, Николай Горланов, Василий Жуков _ спортри çитĕнĕвĕсемшĕн грамотăсене, медальсене тивĕçнĕ. Вăййа çамрăксем пуçланă. "Присурский" совхоз ветеранĕсен вăййи те интереслĕ иртнĕ. Каярахпа Карăкçырми тата Мучикасси ял командисем тĕл пулнă. Футболла вылякансем юлташне асăнса кашни çулах июлĕн тăваттăмĕш шăмат кунĕнче тĕл пулма калаçса татăлнă. А.ДМИТРИЕВА.