04 августа 2014 г.
Июлĕн 30-мĕшĕ тĕлне район территорийĕнче 25 пушар тухнă. Иртнĕ çул çак тапхăрта 20 пушар пулнă. Кăçал вут-çулăмра тăватă çын пурнăçĕ татăлнă. Пушарсене пула тăкаксен калăпăшĕ 1 792 пин тенкĕпе танлашнă. Инкек тухнин сăлтавĕсене тишкерес пулсан, ытларахăшĕ _ вутпа асăрханусăр пулнинче, электрооборудованисемпе, кăмакасемпе тĕрĕс усă курманнинче. Çавăнпа çуллахи вăхăтра хутса ăшăтмалли тапхăра хатĕрленмелле: кăмакасене юсамалла, кивĕ электропралуксене çĕннипе ылмаштармалла, электросчетчиксенче заводра туса кăларнă предохранительсем вырнаçтармалла. Çавăн пекех аса илтеретĕп, республикăра май уйăхĕнченех пушар тухасран сыхланмалли уйрăм йĕрке вăйра тăрать. Шăрăх çанталăк тăнă май пушар тухасран сыхланмалла. Кашни килте пушар сỹнтермелли малтанхи хатĕрсем (200 литрлă шыв пички, сỹнтеркĕч) пулмалла. Çак тапхăрта çỹп-çапа çунтарма, вучах чĕртме юрамасть.
С.СОРОКИН, районти пушар асăрхав пайĕн начальникĕ.