11 августа 2014 г.
Август уйăхĕн 7-мĕшĕнче Чăваш Республикин Пуçлăхĕ Михаил Игнатьев Правительство çурчĕн канашлу залĕнче пресс-конференци ирттернĕ. Палăртнă йăлана кĕнĕ мероприятие федерацин, регионсен, районсемпе хуласен массăллă информаци хатĕрĕсенчен тĕрлĕ представительсем _ 46-ăн пуçтарăннă. Республика Пуçлăхĕ хăйĕн ум сăмахĕнче Чăваш Республикинче пурăнакансен пурнăç шайне лайăхлатас тĕлĕшпе ĕçлесе пынине палăртса хăварнă. "Çынсен сывлăха çирĕплетме пахалăхлă медицина пулăшăвĕсене, хăйсен ачисене яланах пĕлсе тивĕçлĕ пĕлỹ илме, ыранхи куна шанса пурăнма майсем пулмалла. Çак асăннă енсемпе тăватă çул хушшинче, шăпах та республика влаçĕ вăй хурса ĕçленĕ. Паллах, ĕçсене нумай пурнăçланă, туса ĕлкĕреймен хăш-пĕр ĕçсем те юлнă, пĕрле тăрăшса ĕçлемеллисем тата та пур-ха", _ пĕлтернĕ вăл. Чăваш Ен Пуçлăхĕ Михаил Игнатьев çитĕнỹсем çинчен каласа кăтартнă, пĕрремĕш çур çулти ĕç кăтартăвĕсемпе журналистсене тĕплĕн паллаштарнă. Икĕ сехете тăсăлнă калаçу вăхăтĕнче Чăваш Ен Пуçлăхĕ Михаил Игнатьев 32 ыйту çине хурав панă. Иртнĕ мероприяти çинчен "Россия 1" телекуравпа августăн 10-мĕшĕнче 10 сехет те 20 минутра, "Россия 24" телекуравпа августăн 10-мĕшĕнче 19 сехет те 30 минутра пăхма пулать. Чăваш Наци радиовĕпе вара кун пирки паян 19 сехетре итлеме май пулĕ.