11 августа 2014 г.
"Раççей аллейи" патриот акцийĕ пирки пĕлтернĕччĕ эпир хаçатра. Хальхи вăхăтра акцин иккĕмĕш тапхăрĕ пырать. Вăл август уйăхĕн 31-мĕшĕччен тăсăлать. Çав вăхăтра регионсенче палăртнă ỹсен-тăранран пĕрне суйламалла. Аса илтеретпĕр: Чăваш Ен списокне 5 йывăç-тĕм, курăк тăратнă. Вĕсен йышĕнче: хăмла, юман, йăмра, çăка тата салтак тỹми. Хальлĕхе хăмлашăн _ 31, юманшăн _ 30, йăмрашăн _ 13, çăкашăн _ 11, салтак тỹмишĕн 12 процент сасăланă. Республикăра пурăнакансем хăйсен шухăш-кăмăлне "Раççей аллейи" акцин официаллă сайтĕнче палăртма пултараççĕ. Çĕнтерỹçĕ йывăç-курăка регионсенчи делегацисем туслăх аллейине лартĕç. Раççей аллейи Крымра ешерĕ. Н.ИВАНОВА.