Публикации » Хушма 30 вырăн

18 августа 2014 г.

Чăваш чĕлхине упраса хăварассишĕн сахал мар ĕç тăваççĕ. Çапла шухăшлать Чăваш Ен Пуçлăхĕ Михаил Игнатьев. Ку шухăша вăл августăн 7-мĕшĕнче журналистсемпе ирттернĕ пресс-конференцире те асăнса хăварчĕ. Унта И.Н.Ульянов ячĕллĕ Чăваш патшалăх университетĕнче чăваш филологи факультетне ытти факультетпа пĕрлештернĕ хыççăн хысна вырăнĕ сахалланса юлни пирки кăсăкланни те пулчĕ. Михаил Васильевич наци кадрĕсем хатĕрлессинче хăш-пĕр ыйтусем пуррине пытармарĕ. Вăл вырăс, чăваш филологийĕсен тата журналистика факультетĕнче хысна вырăнне ỹстерес тесе Раççейĕн Вĕренỹ министерствипе тĕллевлĕн ĕçленине пĕлтерчĕ. Кăçал ку енĕпе асăннă аслă шкулта 30 бюджет вырăнĕ туса панă, пĕлтĕр пĕтĕмпе 10 пулнă. Л.МУРАТОВА.