18 августа 2014 г.
Граждансене авариллĕ çурт-йĕр фондĕнчен куçарасси "Чăваш Республикин территорийĕнче вырнаçнă авариллĕ çурт-йĕр фондĕнчен граждансене куçарасси" республикăн адреслă программипе килĕшỹллĕн пурнăçланса пырать. 2008 çултан пуçласа 2012 çулсенче республикăри 5,4 пин çын (икĕ пин çемье) кивĕ, пурăнма юрăхсăр çуртран çĕннине куçнă. Халĕ Чăваш Енре программăн пĕрремĕш тапхăрне пурнăçа кĕртнĕ май 264 авариллĕ çуртра пурăнакан 3,8 пин çынна (1,4 пин çемьене) куçарма палăртнă. Паянхи кун тĕлне республикăри 619 çын урăх çурта пурăнма куçнă ĕнтĕ. Нумаях пулмасть программăн иккĕмĕш тапхăрĕ пурнăçланма тытăннă. Фондра республика укçа ыйтнине ырланă. Фонд шутĕнчен авариллĕ çуртсенче пурăнакан 2,9 пин граждана куçарма 629 миллион тенкĕ уйăрса пама йышăннă. Çавăн пекех çак çынсене авариллĕ çуртран куçма республика бюджетĕнчен 367,4 миллион тенкĕ, вырăнти бюджетсенчен _ 31,4 миллион тенкĕ, бюджет тулашĕнчи çăл куçсенчен 40,6 миллион тенкĕ уйăрса парĕç. Çав хушăра Пилĕк тапхăрпа, 2013 тата 2017 çулсенче, пурнăçланакан программăпа районти 16 çынна е 10 çемьене авариллĕ çуртран куçарма палăртаççĕ. Фонд укçин пĕр пайĕ республикăна килнĕ те ĕнтĕ. Районсемпе хуласен администрацийĕсем çурт-йĕр строительствине пуçăнма аукционсем ирттерме тытăннă. С.МИХАЙЛОВА.