18 августа 2014 г.
Патшалăх пулăшăвĕсен пĕрлехи порталĕнче пулăшупа усă куракансене регистрацилемелли ансат мел ĕçлет. 2014 çулхи июнĕн 10-мĕшĕнчен ресурсăн уйрăм кабинетне сотовăй телефон номерĕпе е электрон почта адресĕпе кĕме май пур. Палăртмалла, çакă хăш-пĕр уйрăм пулăшусем патне кĕме кăна ирĕк парать. Ытти пулăшусемпе усă курас тесен уйрăм кабинетра хăвăр çинчен хушма информацие çырса пĕлтермелле: хушамат, ят, ашшĕ ячĕ, паспорт даннăйĕсем, СНИЛС. Электрон мелĕпе килекен пулăшăва ыйтса çыракан камне çирĕплетсен тата ятарлă код çитсен çеç илме пулать. Ăна Раççей Почтинчен çырупа, "Ростелеком" УАО урлă, электрон карттăпа илме май пур. Электрон мелпе патшалăх пулăшăвĕсемпе усă курасси пĕлтерĕшлĕ пулнине август пуçламăшĕнче ЧР Пуçлăхĕ Михаил Игнатьев та палăртнă. "Пирĕн задача _ халăха патшалăх пулăшăвĕсемпе усă курмалли майсене чи малтанах информаци технологийĕсем пулăшнипе çăмăллатасси", _ тенĕ Михаил Васильевич. А.БАХМЕТЬЕВА.