Публикации » Чукун çул çинчи пăтăрмах

20 августа 2014 г.

Августăн 19-мĕшĕнче Шупашкарти Соляное чукун çул каçминче пăтăрмах пулнă _ КамАЗ машинăпа тиевлĕ вакунсен пуйăсĕ çапăннă. Малтанласа пĕлтернĕ тăрăх, авари семафорăн чаракан сигналне пăхмасăр чукун çул урлă каçма тăнă грузовик водителĕн айăпĕпе пулнă. Суранланнă водителе больницăна çитернĕ. Аварире урăх никам та суранланман. Пăтăрмаха пула краççын цистерни ỹпĕннĕ тата сиенленнĕ. Республикăн чрезвычайлă лару-тăрусен комитечĕн председателĕ Вениамин Петров Мускавра командировкăра пулнă республика Пуçлăхне Михаил Игнатьева авари пирки телефонпа пĕлтернĕ. Михаил Васильевич çул-йĕр инкекĕн паллисене кĕске вăхăтра пĕтерме хушнă. Инкек пулнă вырăна карса илнĕ, унта ятарлă техника ĕçленĕ. Чрезвычайлă лару-тăру сиксе тухас хăрушлăх пулман.

ЧР ПА пресс-служби.