Публикации » Çамрăк талантсене пухĕ

20 августа 2014 г.

Кашни çулах август уйăхĕнче районта "Пуласлăх пирĕнте" çамрăксен фестивальне ирттереççĕ. Кăçал ăна август уйăхĕн 22-мĕшĕнче Культурăпа кану центрĕ умĕнче ирттерме йышăннă. Мероприяти тĕллевĕ _ çамрăк специалистсене, студентсене района илĕртесси, предприятисемпе организацисенче ĕçлеме явăçтарасси, вĕсен канăвне усăллă ирттересси, çамрăксенче районпа мăнаçланас туйăма вăратасси. Фестивале йĕркелекенсем малтанах çамрăксемпе районти предприятисемпе организацисем тăрăх экскурси ирттерĕç. Унтан район администрацийĕн пуçлăхĕ Александр Башкиров хутшăннипе "Район пуласлăхĕ тата татса памалли ыйтусем" темăпа çавра сĕтел иртĕ. Каярахпа ял тăрăхĕсенчен килсе çитнĕ яшсемпе хĕрсен командисем хăйсен пултарулăхĕпе паллаштарĕç. Уяв гала-концертпа тата дискотекăпа вĕçленĕ. А.ДМИТРИЕВА.