25 августа 2014 г.
Кĕçнерни кун район администрацийĕн ЗАГС пайĕнче савăнăçлă лару-тăрура июль уйăхĕнче çуралнă пепкесене регистрациленĕ. Мероприятие Татьяна тата Андрей Петровсем, Ирина тата Юрий Морозовсем, Лилия тата Юрий Михайловсем хутшăннă. Мăшăрсем хăйсен тĕпренчĕкĕсене Ксения, Надежда, Артем ятсем хунă. Ашшĕ-амăшĕ ачасен пĕрремĕш документне алла илнĕ. Петровсемпе Михайловсен çемйисем вара амăшĕн капиталĕн сертификатне те тивĕçĕç. Асăннă çемьесене ача ятне хунă ятпа район администрацийĕн пуçлăхĕн çумĕ Алина Ярабаева, Питĕркасси ял тăрăхĕн пуçлăхĕ Лилия Гаврилова, Хĕрлĕ Чутай ял тăрăхĕн специалисчĕсем Ольга Артемьевапа Нина Ульянова, çывăх çыннисем, ĕçтешĕсем саламланă. А.ЗАМУТКИНА.