Публикации » "Кĕр парни" ярмăрккă

27 августа 2014 г.

Кашни çулах хулара пурăнакансене хамăр патра туса илнĕ пахча çимĕçе туянма майсем туса параççĕ. Çак тĕллевпе "Кĕр парнисем" ярмăрккă йĕркелеççĕ. Вăл иртнĕ шăмат кун Шупашкар, Канаш, Çĕмĕрле тата Улатăр хулисенче ĕçлеме пуçланă. Çĕнĕ Шупашкарта ярмăрккă августăн 30-мĕшĕнче уçăлĕ. Асăннă акцин чи лайăх енĕ _ ял хуçалăх продукцине йỹнĕрех хакпа туянма май пурри. Унсăр пуçне сутуçăсене тỹлевсĕр вырăнсем уйăрса параççĕ. Çĕнĕ тухăçа тĕрлĕ районти хресченсем сĕнеççĕ. Ветерансемпе инвалидсене, пенсионерсене, нумай ачаллă çемьесене тавара киле çитерме пулăшаççĕ. "Кĕр парни _ 2014" ярмăрккă октябрь уйăхĕ вĕçленичченех ĕçлĕ. Хамăр инф.